Based; Knysna
PIETER MOHR IS ‘N GEVESTIGDE SANGER VAN DIE KAAP WAT ONLANGS GROOT BRAKRIVIER TOE GETREK HET. HY SING AL VOLTYDS VIR MEER AS 10 JAAR.
IN 2013 HET HY SY EERSTE ALBUM UITGEREIK WAT DIE TREFFER “BLIKSKOTTEL” BEVAT. DIE MUSIEK VIDEO VAN “BLIKSKOTTEL” HET AL AMPER AS 670 000 YOU TUBE VIEWS EN LAZYBOY HET AMPER 11 000 VIEWS. BEIDE VIDEOS WORD GEREELD OP KYKNET TV KANALE GESPEEL.
SY MENTOR EN GROOT VRIEND FREDI NEST HET SAAM MET PIETER SY TWEEDE ALBUM OPGENEEM KORT VOOR FREDI SE DOOD. DIS ‘N DUET ALBUM GENAAMD “COWBOYS IN DUO” WAT PROPVOL BEKENDE COUNTRY TREFFERS IS. PIETER MOHR IS DIE ENIGSTE KUNSTENAAR WAT DIE VOORREG GEHAD HET OM ‘N VOLLE DUET ALBUM SAAM MET DIE SUID AFRIKAANSE LEGENDE OP TE NEEM.
SY NUUTSTE ALBUM GENAAMD “WELKOM IN MY WêRELD” IS OPGENEEM DEUR DIE BEKENDE SANGER EN VERWERKER DENNIS EAST. HIERDIE ALBUM IS VOL OORSPRONKLIKE MUSIEK ASOOK ‘N DUET SAAM MET MANIE JACKSON EN ‘N DUET SAAM MET DIE COUNTRY LEGENDE BOBBY ANGEL.
IN 2015 HET KYKNET PIETER MOHR GEKIES OM EEN VAN AFRIVISIE TOP26 SE FINALIS LIEDJIES TE VERTEENWOORDIG IN DIE MUSIEK VIDEO “LAZYBOY”.
ALHOEWEL PIETER MOHR GEVESTIG IS IN DIE KAAP, TOER HY AL DIE AFGELOPE 10 JAAR LANDWYD EN HET OOK VERLEDE JAAR ‘N NAMIBIESE TOER AFGESLUIT MET 12 VERTONINGS. HY IS BEKEND VIR SY UITSTEKENDE RENDISIES VAN BEKENDE COUNTRY TREFFERS ASOOK VIR SY ENERGIEKE OPTREDES. SY OPTREDES BESTAAN UIT ENIGE IETS VAN JOHNNY CASH TOT CCR EN ELVIS ASOOK SY EIE OORSPRONKLIKE MUSIEK!
HY WORD GEREELD GENOOI OM BY GEWILDE MUSIEK FEESTE OP TE TREE O.A KKNK, KYK EXPO, DIAS FEES ASOOK DIE JAARLIKSE IFM RADIO MELODIE TOEKENNINGS COUNTRY FEES IN DIE VAAL DRIEHOEK WAAR HY AL MET 3 TOEKENNINGS WEGGESTAP HET SOOS GESTEM DEUR IFM RADIO LUISTERAARS.
HY HET OOK 2 JAAR IN ‘N RY OPGETREE BY DIE JAARLIKSE BAKGAT COUNTRY OPSKOP WAT IN DIE KAAP GEHOU WORD VOOR MEER AS 5000 MENSE.
PIETER MOHR STEL OOK BINNEKORT ‘N NUWE ENKELSNIT EN MUSIEK VIDEO BEKEND. HY IS OOK TANS IN DIE BEPLANNING FASE VAN ‘N NUWE ALBUM.